YEAN Podcast

UBURYO BWO KUBIBA NO KWITA KU MASAKA

Kubiba no kwita ku masaka ni ingenzi kuko ari igihingwa kidakenera amazi menshi, gifumbirwa gake kandi kidakenera imiti myinshi, bikagihesha agaciro mu buhinzi burambye. Mu Rwanda, amasaka ahingwa ahantu hose, agaterwa ku mirongo ifite intera ya 75cm hagati yayo na 20cm hagati y’ibiti byayo, kandi ashobora no kubibwa ibindi bihingwa.

KWIRINDA IGIHOMBO CYA NYUMA Y'ISARURA

Kugira ngo duhunike ibinyampeke neza, tugomba gukoresha imifuka ishyirwa hejuru y’igitanda gikozwe mu mbaho cyangwa amatafari, kikaba kure y’ubukonje no mu mwuka mwiza kugira ngo umusaruro udahura n’ubuhehere bwinshi. Ni ingenzi gukurikiza uburyo bwiza bwo gutondeka imifuka, ikagenda ifungana kugira ngo ibe ihagaze neza kandi ifite umutekano, hakirindwa no kuremerera igice kimwe. 

GUSAZURA NO GUFATA NEZA AVOKA MU MURIMA

Gufata neza avoka ni ingenzi mu kongera umusaruro no kurinda igihingwa gusaza imburagihe, bikaba bigomba gukorwa binyuze mu gusazura no kugikurikirana uko bikwiye. Iyo avoka yatanze umusaruro mwinshi mu bihe byashize ariko bigaragara ko wagabanutse, ni ngombwa kuyisazura hakoreshejwe gukata amashami ashaje, ayumye ndetse n’ibisambo, bikorwaho nyuma yo gusarura kugira ngo igiti kibone umwuka uhagije no kongera gushibuka.

IMICUNGIRE MYIZA Y'UBUHINZI BW'IBITUNGURU

Gusarura no gufata neza umusaruro w'ibitunguru ni ingenzi kuko bifasha mu kuzamura inyungu y’umuhinzi no . Mbere yo kubisarura, ni byiza gukuraho itaka ritwikiriye igitunguru byibura ibyumweru bibiri mbere, hanyuma ugasarura ukoresheje intoki cyangwa agacyamuro mu gihe ubutaka bukomeye. Nyuma yo gusarura, ibitunguru byanikwa ahantu hagera umwuka n’izuba ritari ryinshi mu gihe cy’ibyumweru 2-3, kugira ngo imizi n’amababi byumuke, hanyuma bikabikwa neza.

UBURYO BWIZA BWO GUHINGA IBIHAZA

UKO BABANGURIRA AVOKA N'UMWEMBE

UBURINGANIRE N'UBWUZUZANYE UMUSINGI WO KWIHAZA MU BIRIBWA

Uburinganire mu buhinzi ni umusingi w’iterambere rirambye, kuko bushyigikira ubukungu bwuzuzanya, bigatanga umurimo unoze no kongera umusaruro. Mu Rwanda, aho abagore bagize umubare munini w’abakozi mu buhinzi, uburinganire bufasha mu kugabanya ubukene, guteza imbere imiryango, no kwihaza mu biribwa.

UKWIYE KURWANYA UDUKOKO MU MYAKA KUGIRA NGO UGIRE UMUSARURO MWIZA

Ingamba zo kurwanya udukoko twangiza zirimo uburyo butandukanye bwo kurinda ibyonnyi mu bihingwa hagamijwe kongera umusaruro no kubungabunga ibidukikije. Izo ngamba zirimo gukorera igenzura rihoraho ku bihingwa kugira ngo hamenyekane ibimenyetso by'ibyonnyi hakiri kare, gukoresha imiti yica udukoko mu buryo butekanye, no guhinduranya ibihingwa mu mirima hagamijwe gukumira ikwirakwira ry’indwara. Abahinzi bagirwa inama yo kwitonda mu gukoresha imiti, bakirinda gukoresha itemewe ku isoko.