YEAN Podcast

DORE ICYO WAKORA MU GIHE INDWARA N'IBYONNYI BYOROROKA CYANE

Igihe cy'imvura nyinshi gituma indwara n'ibyonnyi byibasira cyane ibihingwa, bigateza igihombo ku musaruro. Umuhinzi arasabwa gusura kenshi umurima we kugira ngo abone ibimenyetso hakiri kare, agire isuku mu murima no ku bihingwa, akuraho ibyangiritse, agabanye ubucucike kugira ngo hinjire umwuka n’urugero rukwiriye rw’urumuri, kandi ashyireho inzira z’amazi zirinda isuri n'ubwuzure.

INTAMBWE ZO GUTEGURA PEPINIYERI Y'URUSENDA NEZA

Gutunganya pepiniyeri y’urusenda ni intambwe ya mbere mu kugera ku musaruro mwiza w’iki gihingwa gifite agaciro k’isoko mu Rwanda no hanze yarwo. Ibi bisaba guhitamo ahantu heza hatari indwara, hagerwaho n’amazi, ndetse hatari umuyaga mwinshi. Akarima ka pepiniyeri kagomba gutegurwa neza hakoreshejwe ubutaka bwiza buvanze n’ifumbire, imbuto zizewe zigaterwa mu buryo buhuje n’inama z’ubuhinzi.

GUTEKEREZA UBURYO GUTEKEREZA UBUSHOBOZI BW’IGITSINA RUNAKA UKO BUTARI BIGIRA INGARUKA KU MUSARURO W’UBUHINZI

Imyumvire irebera ubushobozi bw’igitsina runaka uko butari igira ingaruka ku musaruro w’ubuhinzi. Iyo abagore badahabwa amahirwe angana n’ay’abagabo nko kutagira uburenganzira ku mutungo, kudafata imyanzuro, no gukumirwa ku isoko, bituma ubushobozi bwabo budatanga umusaruro neza kandi bigabanya umusaruro mu bihingwa no mu iterambere ry'ubuhinzi.

DORE INGAMBA ZO KURINDA NO GUSIGASIRA IMYAKA MU GIHE CY’IMVURA NYINSHI

Mu gihe cy’imvura nyinshi, abahinzi basabwa gufata ingamba zikumira ibiza n’isuri bishobora kwangiza imyaka, nubwo imvura ubwayo ari ingenzi mu buhinzi. Turabibutsa ko hakenewe ibikorwa birimo guca no gusibura imirwanyasuri, gucukura ibyobo bifata amazi ava ku nzu no ku misozi, kwita ku biti byatewe ku mirwanyasuri no ku nkengero z’imirima no gukoresha ifumbire y’imborera ibungabunga ubutaka.

KUBAGARA BWA 1 BITEGURA GUSUKIRA ITAKA KUMYAKA

Kubagara bwa 1 bitegura gusukira imyaka

Kubagara bwa mbere ni ingenzi mu gukuraho ibyatsi bibi no gutegura imyaka neza mbere yo kuyisukira. Ibishyimbo bibagarwa bifite amababi ane, soya nyuma y’ibyumweru bibiri iteye, naho amasaka n'ibigori bibagarwa igihe cyose hagaragaye ibyatsi bibi. Kubagara bifasha imyaka gukura neza, kurwanya indwara n'ibyonnyi, no kubona umusaruro mwiza. Abahinzi basabwa gukurikirana imyaka yabo kugira ngo bagire ibisubizo byiza mu buhinzi.

Uburyo bwiza bwo Kurinda URUSENDA Indwara Zitandukanye

Uburyo bwo Kurinda Urusenda Indwara:
Gukumira indwara mu rusenda bisaba guhitamo ahantu heza ho guhinga, gutunganya neza ubutaka, gusimburanya imyaka, gukoresha imbuto zirwanya indwara, kuvomera neza, kurwanya ibyonnyi, no kubungabunga isuku mu murima. Ibi bifasha kongera umusaruro no gukomeza ubuhinzi burambye.

GUSARANGANYA AMAZI NEZA BYONGERA UMUSARURO N'UMUBANO MWIZA HAGATI Y'ABAHINZI

Isaranganya ribi ry’amazi mu buhinzi ritera ibibazo bikomeye nk’amakimbirane, kwangirika kw’ibihingwa, n’isenyuka ry’ibikorwa remezo. Kubungabunga ibikoresho by’uhira ni ingenzi kugira ngo bikore neza. Leta n’abahinzi bagomba gufatanya mu gukoresha amazi neza, kwirinda isuri, no gufata neza ibikorwa remezo. Hari uburyo butandukanye bwo kuhira, kandi guhitamo bwiza biterwa n’ubutaka n’igihingwa.

Uburyo bwiza bwo guhinga SOYA

Ubuhinzi bwa soya ni ingenzi kuko bufitiye akamaro abantu, amatungo, ndetse no kurumbura ubutaka. Soya ishobora guhingwa ahantu hose mu Rwanda, cyane cyane mu misozi migufi no mu bibaya, aho ihakura umusaruro mwiza. Kugira ngo ubuhinzi bwayo bugende neza, ni ngombwa gutegura umurima neza, gukoresha ifumbire iboneye nka DAP na rhizobium, no gukurikiza igihe cy’ihinga gikwiriye.