YEAN Podcast

Menya igihe kiza cyo kuhira

Amazi ningenzi cyane ku bihingwa no kubidukikije ariko kuyakoresha nabi igihe kidakwiye, kutayacunga ibyo byatuma dututakaza umusaruro ariko ibyo byose iyo bikozwe neza,  umusaruro mwiza uraboneka kandi ufite agaciro ku isoko. Kuhira si ugushyira amazi gusa mu murima, ni ugutanga amazi ku gihingwa mu gihe gikwiye, ku kigero gikwiye, kandi hashingiwe ku byo igihingwa n’ubutaka bikeneye.

Kwirinda indwara zifata igihingwa cy'urusenda

Muri iki kiganiro, YEAN irasobanura uburyo bw’ingenzi bwo kurinda urusenda indwara n’ibyonnyi muri iki gihe cy’imvura, binyuze mu kuyobora amazi neza mu murima, kubahiriza intera ikwiye hagati y’ibihingwa, no gukuraho ibyatsi n’ibice by’ibihingwa byarwaye kugira ngo isuku yubahirizwe. Kwita ku butaka unabusugira ifumbire, ndetse no gusura umurima kenshi kugira ngo ibibazo bitahurwe hakiri kare, ni inkingi ya mwamba mu gufasha urusenda gukomera no gutanga umusaruro mwiza, bikarinda abahinzi ibihombo biterwa n’indwara.

Uko twakirinda indwara n’ibyonnyi muri avoka

Muri iki kiganiro, YEAN iragusobanurira uburyo bw’ingenzi bwo kurinda ibiti bya avoka indwara n’ibyonnyi binyuze mu gusuzuma kenshi imiterere y’ibiti, gutema amashami arwaye cyangwa yumye, gukoresha ifumbire y’imborera mu buryo bukwiye, no kubungabunga isuku mu murima.

Kwita kuri izi nshingano z’ingenzi si ukurinda gusa igihingwa cy’avoka, ahubwo ni uburyo bwiza bwo gufasha ibiti gukura neza, kuramba, no kongera umusaruro w’ubwiza bwiza ku bahinzi.

Menya akamaro k'isuku mu murima

Isuku mu murima ni ishingiro ry’umusaruro mwiza.

Guhora usukura umurima ukuraho ibyatsi bibi, ibisigazwa by’ibihingwa n’indi myanda bigabanya indwara n’udukoko, bikanateza imbere imiterere y’ubutaka. Iyo umurima uhorana isuku, ibihingwa bikura neza kandi umusaruro ukiyongera

Gusasira Ibihingwa: Ibanga ryo Kongera Umusaruro no Kurinda Ubutaka

Muri iki kiganiro cya YEAN Podcast, turaganira ku kamaro ko gusasira ibihingwa (mulching) nk’uburyo bworoshye ariko bufite akamaro kanini mu buhinzi bugezweho.

Turasobanura uko gusasira bifasha kugabanya igihombo, kurwanya ikirare, kurinda isuri no kongera uburumbuke bw’ubutaka. Turaganira uko gusasira bikorwa mu buryo bwiza n’ibyitonderwa kugira ngo bigirire akamaro ibihingwa byawe.

Iki kiganiro kigenewe cyane cyane abahinzi bashaka kongera umusaruro wabo mu buryo burambye, bubungabunga ubutaka kandi budahenze.

Dukurikire wunguke ubumenyi buzagufasha guhinga neza no kurinda ubutaka bwawe.

 

Niba ufite igitekerezo cyangwa inyunganizi ku biganiro tubagezaho, waduhamagara kuri 0788845727 cyangwa ukatwandikira kuri info@yeanrwanda.org.

Iki kiganiro cyateguwe na YEAN ku bufatanye na gahunda YEFFA y’ikigo AGRA.

Ubuhinzi bwa Soya: Uburyo bwiza bwo guhinga Soya no Kongera Umusaruro Wayo

Muri iki kiganiro cya YEAN Podcast, turaganira ku buhinzi bw’igihingwa cya soya, kimwe mu bihingwa by’ingirakamaro mu kongera umusaruro w’ubuhinzi no kunoza imirire.

Muri iki kiganiro turasobanukirwa:

• Icyo soya ari cyo n’akamaro kayo ku buzima n’ubutaka

• Uko bategura umurima wo guhingamo soya

• Uburyo bwo gufumbira no gutera imbuto ya soya

• Igihe cyiza cyo kuyitera n’uko bayitaho kugeza isaruye

Iki kiganiro kigamije gufasha abahinzi gukora ubuhinzi bwa kinyamwuga, butanga umusaruro mwiza kandi bubinjiriza amafaranga.

Iki kiganiro mubuhawe n’ikigo YEAN ku bufatanye na gahunda ya YEFFA y’ikigo AGRA.

Uburyo bwo Kuvanga ifumbire y’imborera n’imvaruganda mu kongera umusaruro

Muraho bahinzi?

 

Muri iyi podcast ya YEAN, turabaganiriza ku buryo bwizewe bwatuma ubutaka bwanyu burushaho gutanga umusaruro, guhuza ifumbire y’imborera n’ifumbire mvaruganda.

Urasobanukirwa:

• Impamvu ifumbire y’imborera ari ingenzi mu kongerera intungagihingwa

• Uko ifumbire mvaruganda nka DAP, Urea na NPK ifasha ibihingwa gukura neza

• Igihe cyiza n’ingano nyayo byo gukoresha buri bwoko bw’ifumbire

• Impamvu gukomatanya izi fumbire zombi ari uburyo bwiza bwo kongera umusaruro.

Ubutumwa nyamukuru: Ubutaka bwiza = Umusaruro mwiza = Amafaranga menshi.

Niba ufite igitekerezo cyangwa inyunganizi ku biganiro tubagezaho, waduhamagara kuri 0788845727 cyangwa ukatwandikira kuri info@yeanrwanda.org.

Iki kiganiro cyateguwe na YEAN ku bufatanye na gahunda YEFFA y’ikigo AGRA.

Uko Twafata Neza Urusenda mu Murima | YEAN Podcast

Muraho neza bahinzi!

Muri iki kiganiro turasobanura uko twita ku rusenda kugira ngo rutange umusaruro mwiza, cyane cyane mu gihe cy’imvura. Turarebera hamwe ibyiciro by’urusenda, uburyo bwo kurwanya ibyonnyi n’indwara, gucunga amazi n’ubutaka, ndetse n’ uko twitwararika igihe cy’ururabyo no kuzana imbuto.

Iki kiganiro cyateguwe na YEAN ku bufatanye na gahunda ya YEFFA ya AGRA.